تيجمر

انا عارفه ان موضوعى ده يمكن محرج و جرئ شويه
و لكن اين الجراءه و الحياء بعد ما انتشر فى الاوانه الاخيره اخبار
اغتصاب الاطفال فى المدارس و من الاقارب…
و من اقرب الاقرباء الذى لا يمكن الشك فيه..
و ليس هذا فقط و لكن من الاطفال بعضهم لبعض!!
انتشرت فى الجرائد و البرامج..
اكنها اخبار حالة الطقس!!
اين الامان ؟؟
اين الايمان؟؟
طبعا و بعد انتشار القنوات الاباحيه وظهور الفقر و تدنى مستوى المعيشه و انحطاط مستوى التربيه لان الاباء اصبح لا يلهيهم الا كيفية الحصول على لقمة العيش اللى مدوخانا وراها الحكومه
فطبعا مبيلتفتوش لسلوك اولادهم
فبيطلعوا مرضى نفسين و من هنا تبدا عملية اغتصاب اطفال بلا ذنب و بلا قدره على استيعاب ما يحدث
و طبعا ارتفاع الاسعار ادى لارتفاع نسبة العنوسه بين الشباب و زيادة الكبت الجنسى فبيطلعوا فى الاولاد الصغار لانهم لن يفضحوهم و طبعا باساليبهم لخداع الاطفال عشان ما يتكلموش فمبيتكلموش…
———————————
فماذا الحل اذن؟؟هنحمى ولادنا ازاى؟؟؟
هل تروحى تقولى لولد او بنت صغيره اوعى حد يلمسك!!
اوعى حد يقلعك هدومك!!
اوعى و اوعى…
و بعدين افرضوا طلعوا معقدين من هذا الموضوع فى الكبر؟؟
و هل احنا كده مش بنوعى اطفال صغيرين باشياء مش المفروض يعرفوها فى سنهم ده؟؟
—————————
طيب افرضى انت اللى ابنك طلع مغتصب هتعملى ايه؟؟؟
انا لسه قاريه حادثه ان طفل عنده 9 سنين اغتصب او تحرش بابن عمه عنده 4 سنين!!!
اه متستغربيش عنده 9 سنين انا معرفش ازاى بس اهوه…
طب منين جه للولد ده الفكر ده ؟؟؟
بيشوف ايه؟؟؟
متساب ازاى؟؟؟
و ايه حله؟؟؟
الموضوع للمناقشه